جاڭا جىل الدىندا جاسىل شىرشانىڭ باقىلاۋسىز كەسىلىپ، جۇرتشىلىققا ساتىلاتىنى بەلگىلى.  جىل سايىن قايتالاناتىن وسى ماسەلەنىڭ الدىن الۋ ءۇشىن  «بايتاق-بولاشاق” ەكولوگيالىق اليانسى رەسپۋبليكا حالقىنا ۇندەۋ تاستادى.

–«الدىمىزدا جاڭا جىل مەرەكەسى كەلە جاتىر. ستاتيستيكاعا سۇيەنسەك، ءبىزدىڭ ەلىمىزدە بۇل مەيرامدا جىل سايىن 300 مىڭداي شىرشا كەسىلەدى ەكەن. ءبىز تال وتىرعىزىپ، ەلىمىزدىڭ جاسىل تابيعاتىن قورعاپ قالۋ جولىندا جۇمىس ىستەپ جاتساق، ەكىنشى جاعىنان xالىق ءبىر تۇندىك مەرەكەگە بولا 300 مىڭ شىرشا تالىن كەسەدى. سوندا قانداي پايدا بولعانى؟

ءاربىر شىرشا ءبىزدىڭ تازا اۋامەن تىنىس الىپ، وتتەگىمەن قانىعۋىمىزعا سەپتىگىن تيگىزەدى. ءوزىمىزدىڭ جانە جاقىندارىمىزدىڭ دەنساۋلىعىنا زالال كەلتىرمەيىك! جىل سايىن بۇل باسسىزدىق جالعاسا بەرسە، كۇندەردىڭ ءبىر كۇنى جاسىل جەلەكتى القاپتارىمىزدىڭ بارلىعىن جويىپ جىبەرگەنىمىزدى بايقاماي دا قالۋىمىز ىقتيمال.

سوندىقتان، قۇرمەتتى دوستار، xالىقتى شىرشا كەسپەۋگە ءبارىمىز بىرگە شاقىرايىق! ەل بولىپ، بىرلىك تانىتىپ، وسى جاڭا جىل مەيرامىندا شىرشالاردى ءوزىمىز جويمايىق، وزگەلەرگە دە جول بەرمەيىك! قاجەت بولسا، شىرشا ساتاتىن ساۋداگەرلەردى سۋرەتكە ءتۇسىرىپ، زاڭ الدىندا جاۋاپقا تارتايىق. الىپساتارلاردىڭ مۇنداي قۇيتىرقى ارەكەتتەرىنە توسقاۋىل قويۋ - ءبىزدىڭ مىندەتىمىز.

ءدال قازىردەن باستاپ وسى xاباردى بارلىعىنا تاراتىپ، xالىقتى ۇندەيىك! "جاڭا جىل-2019: شىرشانى قورعاۋ" اكسياسىن قولداڭىزدار، دوستار!!! ءار وڭىردەن وسى ءىسىمىزدى قولدايتىن ەرىكتىلەر تابىلسا، مارxابات. ءتۇرلى جاستار ۇيىمدارىمەن بىرگە جۇمىس ىستەۋگە دايىنبىز. ەكولوگياعا بەي-جاي قارامايتىن كەز-كەلگەن جان وسى ۇندەۋىمىزدى xالىققا تاراتۋ ارقىلى ادامدارعا وي سالىپ، ءقاۋىپتىڭ الدىن الۋعا كومەكتەسە الادى».

ارينە، «بايتاق-بولاشاق” ەكولوگيالىق اليانسىنىڭ كوتەرىپ وتىرعان باستاماسى ورىندى. سوندىقتان ءبىز دە اكسياعا ەلەۋلى ۇلەس قوسىپ، جاس وسكىن شىرشانىڭ شابىلماۋىنا سەپتەگىمىزدى تيگىزەيىك.